ഫെഡറല്‍ സര്‍ക്കാരിനെ മറികടന്ന് 27 ശതമാനം വോട്ടുകളോടെ രാജ്യത്തെ ഏറ്റവും വലിയ ഒറ്റക്കക്ഷിയായി സര്‍വേകളില്‍ മുന്നേറുന്ന പശ്ചാത്തലത്തില്‍, അധികാരം പിടിക്കുക എന്ന ലക്ഷ്യത്തോടെയാണ് അളഉ യൂറോപ്പിനോടുള്ള കടുത്ത നിലപാടുകളില്‍ അയവു വരുത്തുന്നത്.
കടുത്ത 'ഡെക്സിറ്റ്' നിലപാടില്‍ നിന്ന് പിന്നോട്ട്; ലക്ഷ്യം അധികാരം ; പുറത്തുവന്ന വിവരങ്ങള്‍ പ്രകാരം എഎഫ്ഡിയുടെ പുതിയ യൂറോപ്പ് നയരേഖയിലെ പ്രധാന മാറ്റങ്ങള്‍:
തല്‍ക്കാലം യൂറോ വിടേണ്ടതില്ല: യൂറോ സോണില്‍ നിന്നുള്ള പെട്ടെന്നുള്ള പിന്മാറ്റം ജര്‍മ്മന്‍ സമ്പദ്വ്യവസ്ഥയെയും കയറ്റുമതിയെയും തകര്‍ക്കുമെന്ന സാമ്പത്തിക വിദഗ്ദ്ധരുടെയും ബിസിനസ്സ് സമൂഹത്തിന്റെയും മുന്നറിയിപ്പ് പാര്‍ട്ടി നേതൃത്വം കണക്കിലെടുക്കാന്‍ തുടങ്ങി. അതിനാല്‍ 'പെട്ടെന്നുള്ള എക്സിറ്റ്' എന്നതിന് പകരം ഘടനാപരമായ മാറ്റങ്ങളാണ് ഇപ്പോള്‍ മുന്നോട്ടുവെക്കുന്നത്.
ഇയു പിരിച്ചുവിടലല്ല, അധികാരങ്ങള്‍ വെട്ടിച്ചുരുക്കല്‍: യൂറോപ്യന്‍ യൂണിയന്‍ പൂര്‍ണ്ണമായി ഉപേക്ഷിക്കണമെന്ന തീവ്ര നിലപാടിന് പകരം, ബ്രസ്സല്‍സിന്റെ അമിതാധികാരങ്ങള്‍ വെട്ടിച്ചുരുക്കി ദേശീയ സര്‍ക്കാരുകള്‍ക്ക് കൂടുതല്‍ സ്വയംഭരണാധികാരം നല്‍കുന്ന ഒരു സാമ്പത്തിക കൂട്ടായ്മയായി ഇയുവിനെ മാറ്റുക എന്നതാണ് പുതിയ തന്ത്രം.
സാധാരണ വോട്ടര്‍മാരെയും വ്യവസായികളെയും ആകര്‍ഷിക്കാന്‍: മുന്‍പ് അതിതീവ്ര നിലപാടുകള്‍ കാരണം അളഉയെ അകറ്റിനിര്‍ത്തിയിരുന്ന വ്യവസായ മേഖലയെയും ഇടത്തരം വോട്ടര്‍മാരെയും ആകര്‍ഷിക്കാനും, ഭരണത്തില്‍ പങ്കാളിയാകാനുള്ള (Koalitionsf�higkeit) സാധ്യതകള്‍ വര്‍ദ്ധിപ്പിക്കാനും ഈ തന്ത്രപരമായ മാറ്റം അനിവാര്യമാണെന്ന് നേതൃത്വം വിലയിരുത്തുന്നു.
ഈ മാറ്റത്തിന് പിന്നിലെ രാഷ്ട്രീയം എന്ത്?
2013~ല്‍ സാമ്പത്തിക ശാസ്ത്രജ്ഞര്‍ ചേര്‍ന്ന് ഒരു യൂറോ വിരുദ്ധ പാര്‍ട്ടിയായാണ് അളഉ സ്ഥാപിച്ചത്. അതിനാല്‍ പാര്‍ട്ടിയുടെ അടിസ്ഥാന നിലപാടില്‍ നിന്നുള്ള ഈ മാറ്റം സ്വന്തം അണികള്‍ക്കിടയില്‍ തന്നെ വലിയ ചര്‍ച്ചകള്‍ക്ക് വഴിവെക്കും.
മെര്‍സിന്റെ നേതൃത്വത്തിലുള്ള യാഥാസ്ഥിതിക പാര്‍ട്ടിയായ CDU/CSU തങ്ങളുമായി സഖ്യമുണ്ടാക്കാന്‍ വിസമ്മതിക്കുന്നതിന്റെ പ്രധാന കാരണങ്ങളിലൊന്ന് എഎഫ്ഡിയുടെ ഈ കടുത്ത ഇയു വിരുദ്ധ നിലപാടാണ്. ആ പ്രതിരോധം തകര്‍ക്കാനും, ഒരു 'റൂളിംഗ് പാര്‍ട്ടി' ആകാന്‍ തങ്ങള്‍ തയ്യാറാണെന്ന് ബോധ്യപ്പെടുത്താനുമാണ് പാര്‍ട്ടി ഇപ്പോള്‍ മിതവാദ ശൈലി (Moderate tone) സ്വീകരിക്കുന്നത്.
ഇത് പ്രവാസി മലയാളികളെ എങ്ങനെ ബാധിക്കും?
സാമ്പത്തിക സ്ഥിരതയും ജോലിയും: ജര്‍മ്മനി യൂറോപ്പില്‍ നിന്ന് ഒറ്റപ്പെടുന്ന തരത്തിലുള്ള ഒരു സാമ്പത്തിക തകര്‍ച്ച (Dexit) ഉണ്ടായാല്‍ അത് രാജ്യത്തെ എല്ലാ വ്യവസായങ്ങളെയും വിദേശ ജോലിക്കാരെയും നേരിട്ട് തകര്‍ക്കുമായിരുന്നു. ഈ നയമാറ്റം ജര്‍മ്മന്‍ സാമ്പത്തിക മേഖലയ്ക്ക് പെട്ടെന്നുള്ള ഒരു ആഘാതം ഉണ്ടാകില്ലെന്ന ചെറിയ ആശ്വാസം നല്‍കുന്നു.
കുടിയേറ്റ നയങ്ങളില്‍ വിട്ടുവീഴ്ചയില്ല: യൂറോപ്പിലും സമ്പദ്വ്യവസ്ഥയിലും അയഞ്ഞ സമീപനം സ്വീകരിക്കുമ്പോഴും, കുടിയേറ്റം (Migration), അഭയാര്‍ത്ഥികള്‍, വിദേശികളുടെ അവകാശങ്ങള്‍ എന്നിവയോടുള്ള പാര്‍ട്ടിയുടെ കടുത്ത നിലപാടുകളില്‍ യാതൊരു അയവും രേഖയില്‍ കാണുന്നില്ല. അതിനാല്‍ ഇമിഗ്രേഷന്‍ നിയമങ്ങളില്‍ കടുത്ത നിയന്ത്രണങ്ങള്‍ വേണമെന്ന പാര്‍ട്ടിയുടെ അജണ്ട അതേപടി തുടരും.
ലഭ്യമായ വിവരങ്ങള്‍ പ്രകാരം, അധികാരം ലക്ഷ്യമിട്ട് അണികളെ ഞെട്ടിച്ചുകൊണ്ട് അളഉ നടത്തുന്ന ഏറ്റവും വലിയ നയപരമായ മലക്കംമറിച്ചിലായാണ് ഈ ഇന്റേണല്‍ രേഖയെ ജര്‍മ്മന്‍ മാധ്യമങ്ങള്‍ വിലയിരുത്തുന്നത്.
Comments: